محتويات ديوان شعر ( أنين )
الإهـــــــــــــداء

لكل من يعشق الأبيات الشعرية .. والغزل والشاعرية ..
لكل من تداعب وجدانه القصائد … وتحرك وجدانه الفرائد .
لكل فنان تثير حواسه الحروف … وتأسر لبه الأنغام .
لكل المتدبرين لرؤى الصور المكتوبة …
وأزاهير الشوق المنظومة .
للقلوب النابضة حب وأشواق . للعيون الفائضة حلم وإشراق .
للذوق في حس المتذوق.. وللشوق في قلب المشتاق ..
وللفن في وجدان الفنان .
له .. ولها.. وللعشاق .. والمتأملين ..
أهدي إحساسي المتناثر على صفحات الأنين.

???

أنـــين

تئن الجروح من قسوتك .. تئن الجروح .
تقسى وتنسى أنى بشر .. نفس .. وروح .
تئن الجروح .

مر الشهر .. أول شهر على اللقاء الأول ..
زاد السهر .. واللحظة صارت أطول ..
وجروحي صارت أهول ..
أسى وقهر مع الجروح ..
وعذاب ماله حد ..
وسؤال ماله رد .. إلا الجروح تئن .

مر الشهر .. أول شهر.
واليوم تقول أنك نسيت ..! شوقي نسيت ..!
وعن صورتي تهت وسهيت.!
رغم الشبه ما بيننا في رسم الحروف .
رغم التماثل بيننا في كل الظروف .
رغم الهوى .. اللي لفنا عمر وسنين .
حب وحنين .. وحيرة وخوف .
واليوم تقول أنك نسيت .!
وعن صورتي تهت وسهيت.! . تئن الجروح !!

ما أظن تنسى أحلامنا طول السنين .؟
ما أظن تنسى حبنا وكل الحنين ؟
ولو نسيت لحبنا يوم الميلاد ..
ما أظن تنسى كل همسة في السواد ..
تمسي أمل في شفاهنا .. وتصبح ميعاد ..

ومستحيل.. تنسى لقاءنا في العتيم ..
وقت العيون تعوم في نبض الكلام ..
وقلوبنا الهيمانة يطربها الظلام ..
حتى السكون فينا يذوب ..
وكل الظنون فينا تنام ..
وتبقى الشجون .. رسول فيما بيننا ..
يجي ويروح .. وتختفي كل الجروح..

لا تقول نسيت .. لا تقول سهيت ..
قل الحقيقة لو قسيت ..
أنا مستعد أتحملك .. و أتأملك ..
و أسامحك .. مهما قسيت ..!

قل أن قلبك باع .. قل إني كنت متاع ..
قل أي كلمة وداع ..
بس لا تقول أنك نسيت .. شوقي نسيت ..
وعن صورتي تهت وسهيت ..
تئن الجروح ..
قل يالحبيب .. مافي نصيب ..
قل إني المخطي عليك .. وأنت المصيب ..
قل انتهى حبي .. وسهمي في الهوى ما عاد يصيب..
بس لا تقول أنك نسيت .. وعن صورتي تهت وسهيت ..
تئن الجروح ..

تئن الجروح من قسوتك .. تئن الجروح ..
تقسا وتنسى أني بشر نفس وروح ..
تئن الجروح ...
تئن الجروح ...

???

لحظة وقوف

لحظة وقوف .. في شوق وخوف ..
مع حبيب النظر والشوف .. كانت وداع ..!
ومن يشوف .. رعش الكفوف ..
والقلب دقاته ألوف .. وقت الوداع ...!

كنا ولايف .. والهوى مولود ..
والحب خايف .. والشجن موجود ..
هذا حبنا المكشوف .. بخافي القدر محفوف ..
فيه الشجن مألوف ..
وفيه القلوب تلتاع .. وقت الوداع .

مع أنا ما اتهنينا .. بحبنا ساعة ..!
جانا القدر ينهينا .. وقلوبنا ملتاعة .
ياعشقنا المخطوف .. مات الهوى منسوف ..
وحبنا ضاع .. وقت الوداع .
أقدار لمتنا .. واقدار لفتنا ..
بشوق وغرام .
وعيون صابتنا .. ساعة ما شافتنا ..
بحسد وخصام .
نصيب يطوف .. بحسب الظروف ..
لحظة كسوف .. ولحظة خسوف ..
ولحظة متاع .. ولحظة وداع ..
ولحظة وقوف .
لحظة وقوف .

???

كلام العيون

في عيونك كلام ظاهر ..
أبلغ من كلام ..
وفيها تعبير ساحر .. للهوى والغرام ..
فيها أحلام وشجن .. فيها ألام وحزن ..
وفيها أشواق وسلام ..
العيون أحلى عيون .. والكلام أحلى كلام .

تخرج الكلمة .. من عيونك نغم ..
وتصبح اللآت في عيونك نعم ..
لا سراب .. ولا وهم ..
لا عذاب .. ولا ألم ..
بلحظة عينك ياحبيبي تنفهم .

الكلام فيها سلام .. واللفتة غرام .
والشجن فيها ينام ..
العيون أحلى عيون .. والكلام أحلى كلام .
و التعابير الجريئة ..في عيونك بريئة ..
والأحاسيس المضيئة .. في العيون موال ..
وتنفهم في الحال ..

والعيون أحلى عيون .. والكلام أحلى كلام .
يا سلام .. آه .. يا سلام . . .
أحلى كلام .

???

مجهولة الصورة

بالليل ما تشرق شموس ..
ولا بالنهار تبرق نجوم..
الكل يشرق حزته ..
ويغب زاهي بعزته ..
من غير عبوس .. من غير وجوم .
حكم وناموس .

هذا قدر في الكون ..
وفي قلبي المسكون..أنتِ قدر ..
ومالِك عذر .. تغيري القانون ..
وتحاربي المفتون .. صبح وعصر ..
لا وقت لِك بيّن .. ولا قلب لِك ليّن ..
ولا اللون عندك لون .. وش لون ..
وأحلى الزمن محبوس .

الليل في كونِك .. صبح .. وضحى .. وسراب .
والصبح في عيونِك .. ظلما .. وسود سحاب .
والحب عندك ميل ..والشوق برد وويل ..
والشمس تشرق ليل ..
وغالي الشجن مطعون .. وش لون ..
وأحلى الثواني تروس .

غريبة التكوين .. غريبة التلوين ..
ما ينعرف طبعِك .. ولا الذي تهوين ..
بردِك لهيب ونار ..
وصيفِك جليد وهبوب ..
والحب شطر نهار .. وباقي الزمن مثقوب ..
ما ترحمين أنظار .. وما ترحمين قلوب ..
وأنتِ بكل إصرار . . تمشين بالمقلوب ..
وتناقضي المحسوس .
يا هل ترى أنتِ .. صورة حقيقية ..؟
وإلا خيال معتوه .. في ليلي المظلم .؟
وإلا عذاب صمتي .. اللي سكن فيّه..
خلاني فيك أتوه .. وخلاني أتألم .؟

أنتِ عشقتيني .. وأنتِ هجرتيني ..
وأنتِ وعدتيني .. وأنتِ خلفتيني ..
وأنتِ اللي كانت شمس ..
تشرق بقلبي ليل ..
واليوم صارت همس ..
ومستحيل النيل ..

وصار الزمن مشلول ..
وصافي الشجن مطموس ..
وحظي الردي المغلول ..
دايم يظل منحوس ..
دام الهوى معلول .. والحب صاير موس ..
وحبل الرجا محلول ..
ورد الصدى مخروس .

ياعذابي الأول .. وعذابي التالي ..
ياقلب وتحول .. بعد الصفا سالي ..
ما باقي لك صورة .. محفورة في بالي ..
دام أنتِ مغرورة ..
ولا لك هوى محسوس ..
والصورة مجهولة ..
وبالليل تبدي شموس .
وبالليل تبدي شموس .

???

أبتدا المشوار

أنشليني من عيون الهم .. وأعماق الوهم ..
وارفعيني بالهدب .. فوق آهات التعب ..
واكتبيني حرف .. في ثنايا الطرف .. تمحين الألم .

وانسجيني شال .. ممشوق السدى ..
وارتديني فال .. عمرك و المدى ..
وانشريني فوق أكتافك علم .

انشليني من حطام الحزن .. والماضي اللئيم ..
واغسليني في ركام المزن .. من جرحي القديم ..
وعانقي صوتي نغم .

واصرخي بصوت الأمل .. أبتدا المشوار ..
وادفني فينا الخجل .. وانصبي التذكار ..
انتهى عصر السأم . وابتدا المشوار ..
اصرخي وصوتك صدى .. يملأ الدنيا مدى ..
أبتدأ الحب أبتدأ .. وابتدأ المشوار ..

أبتدا الحب الجديد .. وانتهى الماضي بجراحه ..
أبتدا العمر المديد .. وحبنا ضوى صباحه ..
وانتهى الجرح القديم ..
وانتهى الماضي نعم .. انتهى الماضي نعم .
وابتدا المشوار..

???

توقف الإحساس

لحظة ابتدأ فيها الزمان ..
شفتك فريدة في المكان ..
علقت فيك الشوف ..ما همني حيرة وخوف ..
ولا همني الحراس .

أول ما شفتك هويتك ..
وبحضان عيوني خذيتك ..
وأنتِ يا غلى المنى .. أنتِ ولا أنتِ هنا ..
ترمين سهم الظنا .. وتصوبيني أنا ..
من بين كل الناس .

أقبلت لك مشتاق .. أبغي اشرح ظروفي ..
وسر الهوى الحراق .. بنبضي وبشوفي ..
عشمي بنظرة عين ..منّك تجي أحلا..
وكلام كله زين .. ومرحبا وسهلا..
وأنتِ يا أغلى المني .. أنتِ ولا أنتِ هنا ..
ترمين سهم الظنا .. وتصوبيني أنا ..
من بين كل الناس .

هي القلوب لما تحب.. تصبح شظايا في المكان ..؟
وإلا سرايا تنسحب .. تشكي الأسى وقلّة أمان ..؟
وإلا الزمان .. ما هو الزمان ..؟
وتوقف الإحساس .؟

وإلا العيون لما تفيض .. حب وحنان ..؟
تصبح دنايا في الحضيض .. ذل وهوان ..؟
وإلا الزمان .. ما هو الزمان ..؟
وتوقف الإحساس .؟

كل نظرة من عيونك .. ترسليها خداع ..
وكل كلمة من لسانك .. تنطقيها وداع ..
وكل لحظة تفوت .. في عروقي تموت ..
وحنا باقي في المكان .. نفس المكان ..
اللي ابتدأ فيه الزمان ..
واللي انتهى فيه الزمان ..
وتوقف الإحساس .
وتوقف الإحساس .

???

انسفيني

انسفيني من جذور القلب .. وعروق المقل ..
وادفني كل البقايا .. وادفني معها الأمل .
انتهى الحب العتيق .. انتهى بعرض الطريق ..
والهوى الصافي رحل .

كل الحلول .. جربتها .. ونفذتها .. كل الحلول .
لقيتنا من المستحيل .. أنا نطول ..
صافي الهوى ..وحلو المثول ..
دام الوصال .. أصبح محال ..
دام الطريق .. نحوك يضيق ..ونجمنا الزاهي أفل .

كل الدروب .. عبرتها .. وقطعتها .. كل الدروب ..
لقيتنا من المستحيل .. أنا نثوب لرشدنا ..
ولحبنا .. وهمس القلوب .
دام الخداع .. هو الشجاع ..
وحبي العتيق .. اصبح غريق ..وشكي الواهي حصل .

انسفيني من حياتك ..
لا تخلي لي علامة ..
وامسحي كل ذكرياتك .. واستريحي من الملامة ..
أنت اخترت بذاتك .. صد وهجران وندامة .

انسفيني ..و انسفي الماضي معي ..
وسافري لا ترجعي ..
الهوى الصافي رحل .. ونجمنا الزاهي أفل ..
وشكي الواهي حصل .. و انقتل حبي الكبير ..
انقتل مثلي انقتل .
انسفيني…

???

غشيم

غشيم بأسرارك .. ما أعرف المكشوف ..
ولا أعرف الخافي ..
ساعات تبدي بدر .. متبسم وصافي ..
وساعات ضيق صدر .. تصد وتجافي ..
لطيف ومعاند .. واحساس متنافي .

خطفت بسمتي .. وكسرت مجدافي ..
وسلبت همستي .. وشوقي الدافي ..
ورحلت في الإعصار .. وتركتني محتار ..
أصارع الأقدار .. وأصارع أهدافي ..

غشيم بأسرارك . ما أعرف المكشوف ..
ولا أعرف الخافي.

غريب ما أظنك عشت الهوى مرة ..
فيك الهوى مجنون والعين مغترة ..
ترفض تحس الشوق .. وكأن مالك ذوق ..
ولا شعور وافي ..

قاسي و متباهي .. بصدّك المشبوه ..
لو عشت لحظة شوق .. تضيع فيه وتوه ..
ما دام حبك ويل .. وتشيل عندك شيل ..
وتعكر الصافي ..

غشيم بأسرارك .. ما أعرف المكشوف ..
ولا أعرف الخافي .

لابد لك من يوم .. تحس بإحساسي ..
وتلوم قلبك لوم .. وتعرف القاسي ..
وترسل العبرات .. وتعتذر مرات .. وتطلب إنصافي ..
وينكشف سرك .. ويبين الخافي ...

غشيم بأسرارك .. ما أعرف المكشوف ..
ولا أعرف الخافي ..
وش الخافي .
???

رائعة

رائعة .. يا ملاك .. رائعة في حلاك ..
رائعة في عيونك .. رائعة في هواك .
رائعة يا ملاك ..

أنت آية .. وغاية .. وأنت للذوق راية ..
وأنت شوقي ومنايه.. ماملكني سواك ..
رائعة يا ملاك ..

رائعة في قوامك .. رائعة في كلامك ..
رائعة في شجونك .. رائعة في لماك .
رائعة يا ملاك .

تغار منك الصبايا .. وتغار منك المرايا ..
من زود ما بك مزايا .. سلبني بارق سناك ..
رائعة يا ملاك .
رائعة في سلامك .. رائعة في خاصمك ..
رائعة في جنونك .. رائعة في بهاك..
رائعة يا ملاك ..

أنت ماسة .. والماسة .. وأنت للقلب إحساسه ..
وأنت للشوق أنفاسه .. زايدة في غلاك ..
رائعة يا ملاك ..

رائعة في ملامك .. رائعة في غرامك ..
رائعة في فتونك .. رائعة في سماك ..
رائعة يا ملاك .

أنت شوقي وذوقي .. والدم اللي بعروقي ..
وأنت كامل حقوقي .. كل عمري معاك ..
رائعة يا ملاك ..

أنت جنة هواي .. وأنت نغمة غُناي ..
وأنت غاية مناي .. ياعساني فداك ..
رائعة يا ملاك ..

رائعة يا ملاك .. رائعة في حلاك ..
رائعة في عيونك .. رائعة في هواك ..
رائعة يا ملاك ..
رائعة .

???

قـــــــرار

قررت أتحدى قلبي .. واهرب من قلعة حبي ..
واظهر غضبي المتخبي .. و أبحر ضد التيار ..
قررت أنسى همساتي .. وأنسى واياك جلساتي ..
وأذكر حزني ومأساتي .. وأبدأ بأصعب مشوار .

قررت أبعد وأختفي .. وأترك حبي ينطفي ..
وأوقف شوقي واكتفي .. وأفضح خافي الأسرار .
قررت أتحدى الخوف .. وارحل من خلف الشوف ..
وأوقف نزف الحروف .. وأرضى بقاسي الأقدار .

قررت آخر قرار .. أبدأ بأصعب مشوار ..
وأفضح خافي الأسرار .. وأرضى بقاسي الأقدار ..
و أبحر ضد التيار .. ضد التيار ...
قرار.
???

أوقفي

أوقفي لاتتعبي عيني معك .. واهمسي كلي آذان تسمعك ..
ذا الغلا يامنيتي ما ينفعك .
من زمن وأنا أتمنى شوفتك .. ياعيوني وقفي عن جفوتك ..
أمهليني يمكن أقدر أقنعك .. ذا الغلا يامنيتي ما ينفعك .

فرصتي ياحلوتي .. حانت الليلة ..
لا توارين العيون .. في غامق الشيلة ..
ألمحيني لمحتك ما توجعك .. ذا الغلا يا منيتي ما ينفعك .
تمهلي بخطاك ياسحر الخطا ..
ياخشيف الريم .. يارقص القطا ..
ياعطا .. ياشوق يتراقص معك .. ذا الغلا يامنيتي ما ينفعك .

أوقفي لا تتعبي عيني معك .. وأهمسي كلي آذان تسمعك ..
ذا الغلا يامنيتي ما ينغعك ..

???

متعلق بغيرك

ارحمي قلبك يابنت .. واحفظي باقي عبيرك ..
بانت أشواقي وبنت .. وانعرف عندي مصيرك ..
رغم تأثيرك ما لنت .. قلبي متعلق بغيرك .

رغم ذوقك .. رغم أشواقك وطيبك ..
ما اقدر أغشك .. وادعي أني حبيبك ..
ما اقدر اتحدى نصيبي ..ما اقدر اتحدى نصيبك ..
قلبي ما هو لك .. ما هو لك ..
قلبي متعلق بغيرك ..

فوقي من نزوة هواك .. واحبسي غالي الدموع ..
قلبي مملوك لسواك .. وانقطع خط الرجوع ..
وأنا لا يمكن أكون .. بغير مكنوني أسيرك ..
قلبي ما هو لك .. ما هو لك ..
قلبي متعلق بغيرك ..

الهوى مقسوم .. لا .. لا تسألي ..
والنصيب محتوم .. لا .. لا تزعلي..
فكري من اليوم .. واختاري نظيرك ..
قلبي ما هو لك .. ما هو لك ..
قلبي متعلق بغيرك ..

ارحمي قلبك يابنت .. واحفظي باقي عبيرك .
بانت أشواقي وبنت .. وانعرف عندي مصيرك ..
رغم تأثيرك ما لنت ... قلبي متعلق بغيرك .
قلبي متعلق بغيرك ...
متعلق بغيرك.
???

متغيرة

متغيرة .. ومحيّرة .. ما ينعرف طبعك ..
ساعة تكوني فتون .. وطيبة وحنون ..
وساعة تصيري جنون .. وينقلب طبعك ..
مالك أمان .. مثل الزمان..
يا محيرة ربعك ..

ما اسرع نسيتي وعد .. على نفسك قطعتيه ..
وكلام مثل الشهد .. في الحب قلتيه ..
واليوم .. وبعد الشوق .. من غير حس وذوق ..
تجاوبي من فوق .. وتقولي ما لي فيه ..
ومع أن قلبي جريح .. غبتي و لوعتيه ..
وشوقي المهزوم .. بالصد جوعتيه ..
وانت .. مثل ما انت..متغيرة .. ومحيرة ..
ما ينعرف طبعك .

تطوف بي ساعات ليلي وأنا محروم ..
وأنت ولا همك ليلك غريقة نوم ..
الشوق في عيونك متظلم ومظلوم ..
والحب في قلبك متعذب ومهزوم ..
مرة نسيتيني .. ومرة هجرتيني .. ومرة خصام ولوم ..
متغيرة .. ومحيرة .. ما ينعرف طبعك ..

احترت في اطباعك ..
ما اعرف أصدق فيك وعدك وأحضانك ..
وإلا أصدق فيك صدك وهجرانك ..
متغيرة بالحيل .. ما ينعرف صبحك .. ولا ينعرف لك ليل ..
الشوق عندك نار.. والحب عندك ويل ..
متغيرة .. ومحيرة .. ما ينعرف طبعك .

ويل قلبي المجنون .. حبك يا نسّاية ..
وأنت وحبك ويل .. ما تعرفي الغاية ..
يوم تبدأين الحب .. تضعين له نهاية ..

تايه معك بالحيل ..
تايه بصبح وليل .. وكل الشجن تايه ..
تايه ما بين شعور .. في القلب جمعته ..
وبين قسا مسعور .. منك تعلمته ..

تايه ومتعذب .. بينك وبين دمعك ..
خايف ومتحسب .. لو ينقلب طبعك ..
وترحلين وأنت توك بعد جايه..
متغيرة.
???

تستغربين

تستغربين .. أني بعد .. ما نسيت لك قول ووعد ..
بأول لقا .. ما بيننا .. بساعة مطر ..
رغم الخطر .. وكل السماء تصرخ رعد ..
تستغربين .. كل السنين ..
مرت وأنا أذكر بعد ..

تستغربين .. أني على عهدي وفي ..
ومشاعري ما تنطفي ..
لوتختفي .. كل الصور ..
لو يصطلح .. كل البشر ..
لو تصبح النجمة قمر ..
تستغربين .. مشاعري ما تنطفي .. يا نسمة الشوق الخفي ..
تستغربين مني الحنين .. وحب يبقى للأبد ..

تستغربين .. أني على شوقي انتظر ..
وأني على جرحي انتصر .. واقسى العمر .. عندي يمر ..
وبالأمل أمشي الطريق .. مهما يضيق .. رحلة سفر .

تستغربين .. حتى الأنين .. ما اثر على صبري بعد .
تستغربين .. و تعرفين .. أن الهوى الصادق يظل ..
ينبض مع نبض القلوب .. وما يمل ..
وأن الأمل .. سر الحياة .. وأغلى ما يملكه البشر ..
عمر وأجل ..
وهو السبب .. للسعد .. والأشواق ..
ولصادق الحب في الأعماق ..
وأنا بعد .. يا اغلى وعد .. ما نسيت لك قول ووعد ..
تستغربين .
تستغربين .
???

أبت الصدفة
رغم الحنين ..
ومحبتي لك من سنين ..
أبت الصدفة تحين .. واقابلك مرة .

رغم الوعود ..
رغم المحبة والعهود ..
أبت الصدفة تجود .. بشوفتك مرة .
رغم الحضور ..
رغم التوادد والشعور ..
أبت الصدفة تزور .. و اناظرك مرة .

غدار .. ياقلبها غدار ..
من دون سبق انذار ..
أوقفت نبض الحب ..وما تملك الأعذار ..
ليش البرود ..
ليش التجافي والصدود ..
ليش الحواجز والحدود .. وليش مغترة .

محتار..أنا محتار ..
زمن وفيه أسرار ..وعيون ما تنضب ..
تبكي من الأقدار ..
تبكي القسا ..وتبكي الأسا ..
وتبكي الجمود ..
وقلوب ما تقدر تجود .. بحلو الردود ..
وقلوب منجّرة ..

رغم الحنين ..
ومحبتي لك من سنين ..
أبت الصدفة تحين .. واقابلك مرة .
أبت الصدفة .
???

قسمة ومصير
يامهيج الدمعة بعيوني ..
يامحير الكلمة بلساني ..
حارت شجوني ..وجارت ظنوني ..
وهمي حاصر مهجتي .. ولخبط كياني ..
وقسمتي .. أني أصير .. بوادي الهوى مقيد أسير ..
وحلمي الكسير .. ضائع ..
وسري الكبير .. ذائع .. قسمة ومصير ..

وين الحنان .. اللي وصفته لي ..
اللي وفيت لأجله معك .. وصرت من أهلي ..
وين الوعود ..أنك تعود .. لحبنا المولود ..
وين الهوى الموعود ..
وين الزمان اللي مضى .. بحب ورضا ..
ياهل ترى بيعود .. وانظر على مهلي ..
وإلا كلام مردود .. وأندب على جهلي ..
غبت عني .. وقلت لأجلي غاب ..
وبالتمني .. أقبل الأسباب ..
ما هقيت أنك .. كذوب ..
والوعد يمكن يذوب .. والشجن كل الشجن ..
يصبح عذاب .. يصبح سراب ..

قل يا سنا حلمي .. ويا حبي المفقود ..
وش حيلتي بأمري .. وش حيلة الإحساس ..
إذا صارت أيامي .. ظلمى وليالي سود ..
تكبت على صدري .. وتكتم الأنفاس ..
وصار الهوى مردود .. وللصبر فينا حدود ..
وش حيلتي .. وأنت السبب في حيرتي ..
وفي غيرتي .. وفي خيبة الإحساس ..
قسمة ومصير .
???

احترق صوتي
بعدما صوتي احترق ..
والندا بجوفي غرق ..
بعدما حبر الرسايل .. ذاب .. وانشق الورق ..
قلت باوادع حبيبي .. وأهدم حبي اللي انبنى ..
وأقبل مقسومي ونصيبي .. والنهاية في حبنا ..
واستريح باقي حياتي ..من سهادي .. ومن عناتي ..
واستريح من الأرق .

لكن قلبي ما طاوعني .. وظل ينبض بالحنين ..
والهوى وحبي منعني .. أنهي أحزان السنين ..
واتوادع .. وافترق ..

قلت هيّن .. بانتظر .. لو بقي وقت انتظار ..
وانتصر كود أنتصر .. على الليالي والنهار ..
واختصر عمر الزمن .. واواصل المشوار ..
يمكن خلي .. يحس بي ..
والهوى يعود صبي .. ونعوض اللي فات ..
وهذا شوقي ومطلبي .. والحياة اللي أبي ..
من زمان فات ..

ويا حسايف .. خلي من بعد الأمل ..
غرق الشوق .. ونجا ..
وارتحل عني ارتحل .. وانقطع فيه الرجا ..
ارتحل من غير وداع ..ارتحل قبل المتاع ..
وانتهت قصة حنيني ..وانتهى حلمي وضاع ..

وقلبي من بعد الخفوق .. انتهى فيه الخفق ..
والأمل بعد الشروق .. غاب ما خلّف شفق ..
واحترق صوتي احترق ..
صوتي احترق .
???

ساعة مطر
بساعة مطر .. قابلتها .. وكلمتها ..
أحلى البشر ..
كان النظر غرقان .. وكل الجبين عرقان ..
وأحداقنا .. تاهت في مشوار النظر ..
وأشواقنا .. ذابت مع رش المطر ..
غيمة .. وديمة .. وهتان .. ومطر ..
ساعة مطر .

أحلى ثواني .. وأغلى أماني ..
والمطر هتان ..
وأقوى شجون .. تملا العيون ..
مع حبيب فتان ..
واجمل قدر .. جمّع قلوب ..
وقت الغروب .. بساعة مطر .

ساعة قدر .. في العمر ..فوق أطهر تراب ..
والشمس واراها السحاب ..
والغيمة تتناثر مطر ..
فيها ابتدأ .. عمر ومدى ..
وفيها انتشا الحب وشدا ..
وفيها انفتح للسعد باب .. قسمة ومكتوب وقدر ..
ساعة مطر .

ساعة مطر .. تصافحت فيها كفوف ..
ساعة مطر .. تعانقت فيها طروف ..
ساعة مطر .. وقت الشفق ..
قلبي خفق .. أول خفق ..
والشوق من شوقه نطق .. أغلى حروف ..

ساعة مطر ..
ذكرى حنان .. تبقى زمان ..
وتصير تاريخ .. وصور .. بساعة مطر .

ساعة مطر ..
وعيوننا .. هيمانة في الحب الجديد ..
وقلوبنا .. نشوانة في الجو الفريد ..
غيمة .. وديمة .. وهتان .. ومطر ..
ساعة مطر . شوق .. وفرح ..
وأحلام .. وعطر ..
ساعة مطر ..
ساعة مطر .
???

من غير وداع
من غير وداع ..
من غير كلمة طيبة تعني النهاية ..
تركتني بعاتي الضياع ..
أندب أسا .. بقلبي رسا ..
وأندب هوايه ..

ليش يا قاسي .. توارى صورتك عني ..
ليش ياناسي .. تغيب وما توادعني ..
لو بلمسة .. لو بهمسة ..
لو بكلمة طيبة تعني النهاية ..

من تكوني في حياتي .. من تكوني ؟ .
يا نغم حطم سكوني ..
أنت قمرى .. وإلا جمرة ..
وإلا من كون غير كوني .. من تكوني ؟ .

أحترق كلي احترق ..
كلما بينا المسافة تفترق ..
كلما أتذكر حنيني .. اللي لوعته ..
كلما أتذكر أنيني .. اللي ولعّته ..
وشوق ضيّعته .. بالسفر من غير وداع ..
لو بلمسه .. لو بهمسة ..
لو بكلمة طيبة تعني النهاية .
تعني النهاية .

???

الطيف
طيفك لعيني اجتاح .. يامنية النفس ..
من غير موعد لاح .. في غيبة الشمس ..
غاص في أعماق النظر ..
وفي شراييني انتشر ..
وانتعش حسي .. وزادت نفضتي ..
وانتشت نفسي .. وتاهت نبضتي ..
وأنا باقي في لحظتي ..
أتحدى غمضتي ..
لأجل ما يذوب الزمن وقت التقيه ..

الزمن لحظة .. وأنا في حضرته ..
طوّحت بي ومضته ..في غياهب لحظتي ..
خوفي عيني في غمضتي ..
تنتبه ما تلتقيه ..

الطيوف .. ما ينعرف ميعادها ..
والظروف ..ما تنومن في عنادها ..
هذا طيفك زارني ..وأختفى ما شارني ..
بخت عين طيفها بمرادها ..
والطيوف روادها ..
وقتما تشتاق طيف عادها ..
والطيف طيفك ..
طيفك .
???

نسّاية
نسّاية .. حبك ماله غاية ..
بدايته ألم .. ونهايته نهاية ..

ما تذكرين الليل .. ورنّت هواتفنا ..
وخوفنا بالحيل .. لا ليلنا يفنى ..
وخوفنا من الشمس ..
تطلع وتطوي الهمس ..
وتذوب تالي الليل .. مناك ومنايه ..
نسّاية ..

نسّاية الميعاد .. هواك ما له أمان ..
وقلبك بدون ابعاد .. ما يدرك الزمان ..
نسيت ما صار أمس ..
وعود .. وشوق .. وأنس ..
ونسيت أعنف حب .. مضمون وحكاية ..
نسّاية .. حبك ما له غاية ..
بدايته ألم .. ونهايته نهاية .

نسّاية الشوق ..
طاف الزمان .. وأنت أبيتِ تذكرين ..
وجا زمان .. وأنت لنا تتنكرين ..
آن الآوان .. تتذكرين الأمس ..
وتذكرين الهمس ..
وتبصمين بالخمس .. بأن الشجن ..
يبقى زمن .. وأن النسا تايه ..

نسّاية .. حبك ما له غاية ..
بدايته ألم .. ونهايته نهاية ..
نسّاية .
???

سهارى
سهارى .. في سواد الليل ..
بمركب ما عليه قبطان ..
حيارى .. ما لنا أوطان ..
ندور للهوى موطن .. ونسأل ساكني الشطئآن..
ولا طاري .. ولا أحد بالهوى داري ..
صحيح .. صحيح أن الهوى سلطان .

ضل مركبنا طريق السلامة ..
لا مواني حولنا.. ولا علامة ..
تهنا في جوف العتيم ..
تهنا في مركب يتيم ..
تهنا .. والتائه في الهوى ورطان ..
ولا طاري .. ولا أحد بالهوى داري ..
صحيح .. صحيح أن الهوى سلطان .

رحلة غريبة .. تاه فيها الشوف ..
وليلة مريبة .. أمتلت بالخوف ..
الهدف ما بان .. والصاري تكسر ..
والأمل تعبان .. والساري تحسر ..
والأمان .. ضاع الأمان ..
ولا طاري ..
ولا أحد بالهوى داري ..
صحيح .. صحيح أن الهوى سلطان ..
صحيح .. أن الهوى سلطان .
سهارى .
???

عاتب
عاتب .. وخاصم .. وانتقد ..
وأغضب .. وعاند .. واستبد ..
وأسأل .. وحقق معي ..
وازعل .. ودقق معي ..
بس لا تغيب .. ولا تبتعد ..
أنا من غيابك أرتعد ..

بعدك يعذبني .. عذاب الجروح ..
وصدك يلوّعني .. يامنية الروح ..
خلك قريب مني .. نعاتب ونتصارح ..
ولحبنا نغني .. ونزعل ونتصالح ..
الشوق فينا يقيد .. وكل يوم يزيد ..
ونعيش فرحة عيد .. مجروح والجارح ..
بس لا تغيب .. ولا تبتعد ..
أنا من غيابك أرتعد .
ليت بيدي أنسّيك البعد ..
وأنسى معاك ..
أو بيدي أنسّيك الصد ..
وأنسى جفاك ..
من أجل يصفى الحب .. بقلوبنا ويطيب ..
ونعيش كل العمر .. حبيب ويا حبيب ..
لا بعد يتعبنا ..
ولا صد يلوّعنا .. ولا أسا وتنهيد ..
الشوق فينا يقيد ..وكل يوم يزيد ..
ونعيش فرحة عيد .. مجروح والجارح ..
بس لا تغيب .. ولا تبتعد ..
أنا من غيابك أرتعد ..
عاتب .
???

مقطوع النَفَس
تعبان أنا بالحيل .. مقطوع النَفَس ..
سهران كل الليل .. جفني ما نَعَس ..
من حبيبي .. صد عني .. وانتحى ..
أنكر الماضي .. وحبي .. ما استحى ..
وأنعزل في الصمت .. وفي البعد أنحبس ..

قاسي .. ومعبّس .. وفي حبي غشيم ..
وقلبه متيبّس .. وأشواقه هشيم ..
لامساء يذكر .. ولا يذكر ضحى ..
فاقد الإحساس .. غافي ما صحى ..
عيشته في كبت .. وجفاف ويبس ..
وأنا منه أصبحت .. مقطوع النَفَس ..
ساهر ما نمت .. جفني ما نَعَس ..

سمع العذال .. واختار الجفا ..
وانكر اللي قال .. في الحب ونفى..
وحبه اللي كان .. يمطر في صحا ..
من سما قلبه .. تلاشا وانمحى ..
والشجر .. والنبت .. للشوق أندرس ..
وأنا منه اصبحت .. مقطوع النَفَس ..
ساهر ما نمت .. جفني ما نَعَس .

انتظرته عام .. في سهد وسهر ..
قلت يمكن يعتذر ..
عن جفا وخصام .. عن صد وهجر ..
غصب باقبل له عذر ..
لكن أنه ما اعتذر و اصالحه ..
غاب عني ما انتظرني اسامحه ..
وفي جروحي انصبت .. والشوق التمس ..
وأنا منه اصبحت .. مقطوع النَفَس ..

???

آن الأوان
موهوم ياقلبي ترجع زمان ..
ترجع لحبك .. وللأمان ..
تعطي وتأخذ .. حب وحنان ..
وتعيش عمرك بدون هوان ..
موهوم ياقلبي .. تعيد الزمان .

آن الأوان .. ياقلبي تصحا ..
وتمحى اللي راح من العمر تمحى ..
وتعيش زمانك .. أنت وحنانك ..
أحزان وفرحه ..
آن الأوان .

أصل الزمان .. إذا فات ما يرجع ..
وكل القلوب .. في الحب ما تقنع ..
يروح زمان .. ويجي زمان ..
والقلب هو .. للجرح مرتع ..
آن الأوان .. ياقلبي تسمع ..
آن الأوان .

الحب ياروحي .. نفس الحب ..
عند المحب .. عند الحبيب ..
جروح تنزف أسا وتصب ..
وقلوبنا جرحى .. أبت تطيب ..

والشوق رحلة عذاب ومسرح ..
الكلمة فيه تسعد .. وتجرح ..
ما فيه راحة .. ولا فيه أمان ..
وآن الأوان يا قلبي تمسح ..
آن الأوان .

آن الأوان .. يا قلبي آن ..
تطوي ظنونك مع الزمان ..
وترضى بنصيبك .. مع حبيبك ..
لو كان حبيبك .. هو الزمان ..
آن الأوان .
???

سولف معي
سولف معي .. باقي من الليل ساعة ..
وهوًن على قلبي المعنى التياعه ..
ترى الليالي قصار .. والحب طاعة ..

وأهمس لي .. في همسك حنين ونغم ..
وناجني .. تنهي بقلبي الألم ..
أنا حياتي .. بدونك أنت عدم ..
يا مملكة حبي .. يا كل الوداعة ..
أهواك واحبك .. وكلي قناعة .
سولف معي .. باقي من الليل ساعه .

بصوتك .. حنين يسري ..
وبآهتك معنى ..
محلى ثواني الشوق .. بليل يجمعنا ..
أنت وأنا .. والهوى ..
والحب .. والمغنى ..
والشوق من فوقنا .. يخيم شراعه ..
سولف معي .. باقي من الليل ساعة .

سولف معي سولف ..
قبل النهار يطلع ..
وسمّعني آهاتك .. ولآهتي أسمع ..
يا حالي المنطوق .. يا ساحر المطلع ..
ياسلوتي .. يا منيتي ..
يا قلبي ووساعه ..
سولف معي .. باقي من الليل ساعة ..
سولف معي .

???

جمرة هواك
متأزم .. ومتأزمة في قلبي الشجون ..
ومعزّم .. أبحر في الهوى المجنون ..
وأصافحك .. لو كا نت كفوفك شهب ..
وأصارحك .. باللي في جوفي ملتهب ..
جمرة هواك .. ومن سواك .. أشعل بوجداني لهب ؟.

عزّمت أشوفك .. وأبتدت رحلة عذاب ..
خطيت فيها بخطوتي .. ما ردني عسر الطريق ..
ولا صدني غزر السراب ..
غايتي عمري أشوفك .. وقتما تسمح ظروفك ..
لو على متن السحاب ..
وأصافحك .. لو كانت كفوفك شهب ..
وأصارحك .. باللي في جوفي ملتهب ..
جمرة هواك ..
ومن سواك .. أشعل بوجداني لهب .؟.
كنت ما أصدق .. تحب الأذن قبل العين ..
حتى صرت في فؤادي عين ..
وصارت الساعة دهر ..
والحياة بدونك قهر ..
حينها عزّمت ..عزّمت السفر ..
لأجل أشوفك .. وأرمي كفي بين كفوفك ..
لو تذوب وتنصهر ..
وأصافحك .. لوكانت كفوفك شهب ..
وأصارحك.. باللي في جوفي ملتهب ..
جمرة هواك ..
ومن سواك .. أشعل بوجداني لهب ..؟.

???

عناق الكفوف
عانقي كفي بكفك .. ما حلا عناق الكفوف ..
وأنظري نحوي بطرفك .. واغرقي عيوني بشوف ..
ياشجن يسري بعروقي .. يا هوى بجوفي يطوف ..
أنت ذكراي وحنيني .. وأنت القلب الشغوف ..
ما حلا عناق الكفوف .

يوم لقيتك .. زاد نبضي .. والسعد ..
ياشذا زهر المساقي ..
يا سنا برق الرعد .. ياوعد ..
ياحب دوب يبدأ بعد ..
ياهناي .. ويامناي ..
ويا هوى القلب العطوف .. ما حلا عناق الكفوف .

الزمن وأنت معي .. زاد نبضه وارتعش ..
والطيور غنّت معي .. والهوى مثلي انتعش ..
والفرح خيّم شهور .. و الأسا عود سرور..
واختلط عندي الشعور .. بين أمن وبين خوف ..
ما حلا عناق الكفوف .

حسسيني بالزمان .. حسسيني بالدقيقة ..
واشعريني بالأمان .. بين أصابعك الرقيقة ..
يا دفا ضافي الحنان ..
ياضحى نهار الحقيقة ..
ياهوى ساكن بجوف .. ما حلا عناق الكفوف .

عانقي كفي بكفك .. ما حلا عناق الكفوف ..
وانظري نحوي بطرفك ..
واغرقي عيوني بشوف .. ما حلا عناق الكفوف ..
ما حلا عناق الكفوف ..
???

تستاهلي كل خير
ياوردة فاحت بالعبير ..
يانسمة الجو المطير .. مالك نظير ..
تستاهلي .. تستاهلي كل خير ..

من مثلك .. يهوى وما يتعب ..
ما همه المكسب ..
اخلاصه ما ينضب .. وباصرار ..
باصرار تجتازي الخطير .. مالك نظير ..
تستاهلي.. تستاهلي كل خير .

من مثلك .. ضحى بالزمان ..
وتجاوز حدود المكان ..
وتجاوز طريق الأمان .. واختار الخوف ..
والدرب العسير ..مالك نظير ..
تستاهلي.. تستاهلي كل خير .
من مثلك .. طابعه السماح ..
والرقة على صدره وشاح ..
ما همه في القلب الجراح ..
صبورة على الجرح المرير .. مالك نظير ..
تستاهلي.. تستاهلي كل خير .

حاشا ما مثلك في البشر ..
يا أحلى ما شاف النظر ..
ياطيب في الكون انتشر ..
يا ملاذ حبي والنصير .. مالك نظير ..
تستاهلي .. تستاهلي كل خير ..
تستاهلي كل خير .

???

يوم أمس
يوم أمس .. أشرق بقلبي شمس ..
شعاعها دفّاه .. باللمس ..
تضحك .. وتنطق .. همس ..
يامنة الله .

أحسستها .. وما أجمل الإحساس ..
بدفء ضوء الشمس ..
وآنستها .. شمس المسا من الناس ..
محبوبتي بالأمس ..
يامنة الله .

عادت وعاد الشوق .. بأحلى تعابيره ..
متلحفة بالذوق ..معسولة السيرة ..
ترمي الشعاع من فوق ..
وتوصل تباشيره ..
محبوبتي بالأمس ..
يا منة الله .

رمت شعور الأسا .. عني بقاصي اليد ..
وبشط قلبي رسا .. هوى يباري المد ..
يوم أشرقت بالمسا .. معسولة السيرة ..
محبوبتي بالأمس ..
يامنة الله .
يامنة الله .

???

ليلة عمر
عافي الخجل .. وابدأي مشوارك الليلة ..
ومتعي بالفرح .. الأحباب .. والعيلة ..
الليلة ليلة حنين ..
الليلة ليلة عمر ..
ياما انتظرتك سنين .. والوقت قاسي يمر .

سيري على مهلك .. لا تتعبين الخطا ..
ووطي على سهلك .. وتراقصي في الوطا ..
وارويني من نهلك .. يا حب كله عطا ..
يا بدر عالي الجبين ..
ياشمس تسبي النظر ..
الليلة ليلة حنين .. الليلة ليلة عمر ..
ياما انتظرتك سنين .. والوقت قاسي يمر .

تمايلي .. وانثري شعرك على اكتافك ..
ومتعي الشوف .. بالحالي من اوصافك ..
يازهرة الوجدان .. يا سحر من شافك ..
يادوى الأسا والأنين ..
ياقسمتي والقدر ..
الليلة ليلة حنين .. الليلة ليلة عمر ..
ياما انتظرتك سنين .. والوقت قاسي يمر .

تبسمي .. وارسمي على شفاهك مرح ..
الليلة أنت العروس ..الليلة أنت الفرح ..
والحب تاج العروس .. والشوق شمع الفرح ..
والبدر يبدي جبين ..
والليل خيّم شعر ..
الليلة ليلة حنين .. الليلة ليلة عمر ..
ياما انتظرتك سنين .. والوقت قاسي يمر ..
الليلة ليلة عمر .
???

عفوًا
عفوًا .. حبي عفوًا ..
الموت علي أهون .. من أنك تخدعني ..
وتتخلى وتبعني ..
من بعد ما قلت أهلاً.
عفوًا. عفوًا..
عفوًا .. حبي عفوًا ..

أنا حبيتك أصلاً ..
وقلبي في حبك أدمن ..
ما أصدق تهجرني .. ما اصدق تقهرني ..
وتقتل حبي عمدًا ..
عفوًا. عفوًا..
عفوًا .. حبي عفوًا ..

أصل المحبة فن .. نسعد فيها ونحزن ..
وأنت نسيت الإخلاص .. تبحث عن أي خلاص ..
من قلبي اللي لك حن ..
عفوًا. عفوًا..
عفوًا .. حبي عفوًا ..

من غيرك أعشق .. من .؟
وأنت السلوى .. والمن .
وأنت في عيني الإنسان .. وأنت في عمري العنوان ..
وبدونك يفنى الفن .
عفوًا. عفوًا..
عفوًا .. حبي عفوًا ..
عفوًا .
???

حار .. وبارد
أنا وحبيبي في السهرة .. حار .. وبارد ..
كأننا في الحب زُهرة .. وايا عطارد ..
ماعرفنا للسعد طريقة ..
ماعرفنا أسلوب ..
قلوبنا مليانه حريقة .. والشوق مسلوب ..

هو قسمتي .. هو مكتوبي ..
ما أقدر أعارض ..
فكري معلق بحبيبي ..
وفكره شارد .

الشوق والحب فتنة .. والهوى غلاّب ..
لما يقرّب من بيتنا .. ما يلاقي الباب ..
هي الدنيا .. كذا مقلوبة ..
ناس غلاّبة .. وناس مغلوبة ..
صَََبَح الهوى فيها ظلمى ..
وأمسى الهوى فيها بارد ...
وكل شي فيها وارد ..

هو قسمتي .. هو مكتوبي ..
ما اقدر أعارض ..
فكري معلق بحبيبي .. وفكره شارد .
وأنا وحبيبي لازلنا ..حار .. وبارد ..
حار .. وبارد .

???

أرجعي
أرجعي .. لاتخافين الرجوع ..
وأمسحي .. غالي الدموع ..
ياحياتي .. منزلك بين الضلوع ..
ارجعي لي .

أرجعي لي ..
أنا قلبي لرجعتك مفتوح ..
ما انقفل بابه ..
رغم ما صابه .. من جروح ..
أرجعي لي .. يا مناة الروح ..
أرجعي لي .

أرجعي لي .. لأجل ترجع فرحتي ..
أرجعي لي .. لأجل ترجع بسمتي ..
ياحياتي .. وقسمتي ..
قلبي متعذب .. جزوع ..
أرجعي لي .

ابتعادك مر .. والقسوة مرار ..
والرجوع يسر .. ياأحلى قرار ..
ارجعي لي .. قلبي يخفق لك خضوع ..
أرجعي لي .. منزلك بين الضلوع..
أرجعي لي طوع .. واستقبلك طوع ..
أرجعي لي .. لا تخافين الرجوع..
أرجعي لي .

???

أميرتي

حبيبتي .. أميرتي ..
أنت السبب .. في حيرتي ..
وفي غيرتي ..
وأنت تاريخي وسيرتي ..
أنت المحال .

كيف أسألك .. وأنت السؤال .؟
كيف أوصلك .. وأنت المحال .؟
كيف بتخيل هواك .؟
وأنت أبعد في مداك .. من الخيال .؟
أنت المحال .

تهمسين .. وأحس في همسك أمل ..
وتحبسين الشوق .. في كل الجمُل ..
وتحلمين كثير ..
بهوى و حصير .. وأنت رحلة سير ..
وصلك ما يطال ..
أنت المحال .

زارني طيفك .. وكنت أتأمله ..
وغاب عني .. ما قدرت أتحمله ..
والشعور بك صعب .. ما اتخيله ..
مختلط بين الحقيقة والخيال ..
أنت المحال .
حبيبتي .. أميرتي ..
أنت السبب .. في حيرتي ..
وفي غيرتي ..
وأنت تاريخي وسيرتي ..
أنت المحال . أميرتي .
???

متلثمة
متلثمة كحلا .. دعجا العيون ..
متحشمة وجلا .. حلوة وحنون ..
وملهمة خجلا .. فيها الفتون ..
ياحلمي ياأهلا .. ويامرحبا مليون ..

متلثمة ردفة .. وشعرها ثائر ..
فيها الحسن يدفا .. وفيها الهوى حائر ..
قابلتها صدفة .. وصرت مفتون ..
متلثمة كحلا .. دعجا العيون ..

متلثمة موضة .. خفيفة الظل ..
وعيونها روضة .. تحير الكل ..
لوحة شجن معروضة .. فنون وفنون ..
متلثمة كحلا .. دعجا العيون ..

صورة حقيقية ..
أجمل من الخيال ..
وقتنة شرقية .. قلبي لها ميّال ..
جميلة منقيّة .. في شكلها واللون ..
متلثمة كحلا .. دعجا العيون ..

لحظة .. وتوارت عني ..
قبل ارتوي ..
وأقفت .. وخلتني ..
منها أكتوي ..
وأحزان لفتني .. بعد الشجون ..
متلثمة كحلا .. دعجا العيون ..
متلثمة .

???

من غير شك
من غير شك .. أننا في الحب ..
صمت وضما ..
من غير شك .. أننا في الهوى ..
أرض وسما..
من غير شك .. أننا في الشوق ..
نقاسي دموع .. وهجر وجوع .. ومآسي ..
ونشكي فتور .. سلنا النور ..
حلم قاسي ..حلم كذّاب .. كله شك .

من غير شك .. أننا في رحلة ..
هدفها بعيد ..
وكل دروبها ضحلة .. أسى وتنهيد ..
نمشيها بأمل كذّاب ..
ونعيشها تعب وعذاب ..
غلبنا الشوق .. وطحنا فوق .. شوك الشك ..
من غير شك .. إن أيامنا .. لهيب ونار..
من غير شك .. إن أحلامنا .. لظى ومرار ..
سلبنا من مشاعرنا .. سواد الخوف .. سواد الشك ..
حرمنا لذّة الدنيا .. وحرمنا الشوف ..
وتهنا .. في عميق الشك ..

من غير شك .. إننا صرنا مثل فاشل .. مثل خدّّاع ..
من المنشول ؟.. من الناشل ؟.. من الخدّاع ؟..
من الصادق ؟ .. من الواثق ؟.. من الشكّاك ؟..
من المسؤول؟ .. من السائل .. من الفتّاك ؟..
من اللي كان سبب للشك .. من اللي انفكّ ..
من اللي ابتدا بالشك .. وصار الشك ..
كل الشك .

???

أسأل
لو شحت أسرارك ..
لو غشك المقياس ..
لو تاهت أفكارك .. لو سيطر الوسواس ..
أسأل تلاقيني .. على شفاه الناس ..
كلمة تثور معنى .. وتوهّج الإحساس ..
همسة تذوب مغنى .. وتحبس الأنفاس ..
أسأل تلاقيني ..
بقلب الشجن ألماس .

أسأل تلاقيني ..
داخل عتيم الليل ..
بريق أمل يسري .. ويلوح مثل سهيل ..
ودمعة أسا تكوي .. وتجري مثل السيل ..
أسأل تلاقيني ..
رأس الشجن والساس .

أسأل تلاقيني ..
في نفسك وفي همسك ..
أسأل تلاقيني .. في يومك وفي أمسك ..
أسأل تلاقيني .. في قلبك وفي حدسك ..
أسأل تلاقيني ..
في صورتك إحساس .

أنا أنت .. لو ما تدري إنًك أنا ..
أحس بإحساسك .. حب وعنا ..
وأتنفس أنفاسك .. لحن وغنا ..
واحد أنا وأنت ..
في عيون كل الناس .. وأسأل .

???

حبي عاد
أدفني حبي برماد ..
واغرسي فوقه حجر ..وأعلني لأجله حداد ..
يوم .. وأسبوع .. وشهر ..
إن نسيتيني عسى .. وإن تناسيتي نسا ..
ما يجي وقت المسا .. إلا حبي عاد .

يا حنيني .. ونبضتي ..
أنت داخل قبضتي ..
لو تتوه أناملي .. لو تصير أبعاد ..
مايجي وقت المسا .. إلا حبي عاد .

حبي مثل المستحيل ..
ما يبدده الرحيل ..
لو حروقي تحترق .. لو عروقي تفترق ..
لو حقوقي تنسرق .. لو تصير أضداد..
ما يجي وقت المسا .. إلا حبي عاد .
ياشذا زهر السفوح ..
ياندى خضر الورق ..
جرحي لو يصبح جروح ..
قلبي لو يفنى غرق ..
مايجي وقت المسا .. إلا حبي عاد .

إن نسيتيني عسى .. وإن تناسيتي نسا ..
ما يجي وقت المسا .. إلا حبي عاد .
حبي عاد .

???

قطرة النَّو
يا قطرة النَّو .. من عالي الجو ..
قلبي معك يهنا .. والحب يحلو .

لو بيدي .. أجيلك على المزن ..
وفي قلبي أشيلك ..
يادوى الحزن ..
وأوهب حياتي لك .. وروحي على التو ..
يا قطرة النَّو .

وأعيش معك ساعة ..
على السحاب ..
وأعلن لك الطاعة .. بلا انسحاب ..
يا قلبي ووساعه .. يافتنة الضو..
يا قطرة النَّو .

بلورة .. شفافة منظورة ..
مبلورة بالصفا .. متشبعة بالدفا ..
حلوة وبلورة .

ياصورة ..
في القلب محفورة ..
مبروزة بالوفا ..
فتّانة وجه وقفا .. يامجمل الصورة .

بلورة حب ومرح ..
بالحب تصفو ..
وصورة تضفي الفرح ..
من عالي الجو .. يا قطرة النَّو .
يا قطرة النَّو .
???

تسألني
تسألني ياخلّي .؟. تسألني بالتحديد .؟.
هاوي ومتسلّي .؟ وإلا غرام جديد .؟
تسألني بالتحديد .؟.

تسألني ياناسي .. متى تلاقينا .؟
تسألني ياقاسي .. متى تجافينا .؟
نسيت أحلى أيام ..
مرت كما الأحلام ..
أعطيتك إحساسي .. واللي تحب وتريد ..
واليوم تسألني .. تسألني بالتحديد .؟

أنا الحبيب الأول .. لو كثرو ا الأحباب ..
حبي ما يتحول .. مهما تكن الأسباب ..
قدرك على راسي ..
يا مهيّج إحساسي .. كل يوم يزيد ويزيد ..
واليوم تسألني .. تسألني بالتحديد .؟

تحب مهما تحب ..
ما تلاقي مثلي حبيب ..
ولاتلاقي قلب .. تجرحه ويطيب ..
يتحمل آلامك .. ويصبر على التنهيد ..
يهواك ياقاسي .. يهواك وأنت عنيد ..
واليوم يا ناسي .. تسألني بالتحديد .؟ هاوي ومتسلّي .؟ وإلا غرام جديد .؟
تسألني بالتحديد .؟.
تسألني .

???

إشاعة
إشاعة .. تفشّت في ساعة ..
ما بين أصحابك .. والناس والباعة ..
سمعتيها .. وصدقتي ..
وفارقتي ..وأوقفتي الهوى طاعة .

إشاعة تقول .. أنه يجي لي حول ..
بغيركم مشغول .. و مقفّل أبوابي ..
وإشاعة تقول .. أني بقلب حديد ..
واعيش بجو جديد .. متناسي أحبابي ..
واني متلاعب .. أحب كل ساعة ..
وانسى ولا همي قلوب ملتاعة ..
إشاعة ..

خسارة .. ياأغلا الناس .. تصدقي اللي شاع ..
ما تصدقي الإحساس .. وقلبي الملتاع ..
ما تصدقي إني .. ما احببت غير انت..
ولا عشقت غير انت ..
وانك سنا ايامي .. وشوقي وأحلامي ..
وإنك تمكًنت ..
خسارة.. يا اغلا الناس .. تصدقين الناس. .
وتكذبي الاحساس .. وترمين قلبي بقاع ..

لكذبة .. صاغها العذال .. قررتي تجافيني ..
لكذبة .. قالها الأنذال .. قررت تعافيني ..
خسارة .. ما سمعتيني ..
سمعتي الناس .. وبعتيني .. وصيتك ذاع ..
وجاك الدور بإشاعة ..
وهي ساعة .. وإشاعة .
إشاعة .
???

يكفي العتاب
هات العتاب .. إذا للعتاب لزوم ..
كله عذاب .. ياقلبي المهزوم ..
هات العتاب .

لو العتاب يفيد .. وينهي التنهيد ..
هات العتاب وقيد .. ووفي فيه وزيد ..
هات العتاب .

ياما تعاتبنا .. على الغياب ..
وتاهت مراكبنا .. قبل الإياب ..
ونحن ما تبنا .. من العتاب ..
هات العتاب .

يا ثورة غضب .. تهوى العتب ..
تمهلي .. صبري نضب ..
لا ما يجي حب بغضب ..
ولا يجي الشوق بعتاب ..
كله كتاب ..ويكفي العتاب ..
يكفي العتاب.
يكفي العتاب

???

بنت الحلال
يا بنت الحلال .. كلي أمل .. أن أوصلك ..
وأحقق بنفسي الوصال ..
طال المطال .. وإلا أبتعدت في المحال ..
لابد .. لا بد أوصلك ..لو في الحلم ..
أو في الخيال .

يا هائمة.. في ليل السكون ..
يا عائمة .. في نجمة وكون ..
مهما يكون .. وصلك محال ..
وأنت محال ..
لابد .. لابد أوصلك .. لو في المزن ..
فوق الحزن .. وأحقق بنفسي الوصال ..
يا بنت الحلال .

سليتي .. وما أصعب السلوان ..
تركتيني .. بأسا وهوان ..
رحلتي أنت وظنونك ..
وقبر الشوق في عيونك ..
رحلتي والهوى رحال .. وأنت محال ..
يا بنت الحلال ..
بقيت أرقب على بابك ..
أدور قلبي في ثيابك . وسواد الشال .

ويوم أزريت .. وأعياني حنين الشوق ..
عزمت أرحل بأحزاني ..
وأدور فوق ..
وكلي شوق .. أن أوصلك ..
وأحقق بنفسي الوصال ..
لو في الخيال .. يا بنت الحلال .
يا بنت الحلال .
???

ماله لزوم
قلت أتصل وأسأل .. في الموعد الأسهل ..
تقول لي ماله لزوم .. والسائل المحروم ..
ما يهمني يزعل ..

وش السبب للصد .. وهذا الجفا في الرد ..
عسانا ما أخطينا ..
لما تعاطينا .. معك الهوى والود..
ونتصل نسأل ..

قلبي اصطلى بناره ..
وأسئلتي محتارة .. من رد جبارة..
و رد حيرني .. ما بانت أسراره ..
ما اعرف عتب .. وإلا دلال ..
وإلا جفا ينهي السؤال .. من بعض أفكاره .
من أجل ما نسأل .. ونتصل .
???

كلام فاضي
تقاضينا .. أنا وأنت ..
وأنت الخصم والقاضي ..
حكمتي .. وفي الحكم جرتي..
وحكمك على الهوى ماضِ ..
قسيتي حيل .. ولا لنتِ ..وتعنّتي ..
تقولي ننسى كل الشوق ..
ونطوي صفحة الماضي ..
كلام فاضي .

نسيتي .. كم تعاهدنا ..
على الإخلاص من مدة ..
نسيتي .. كم تواعدنا ..
نقاوم في رخا وشدة ..
ومهما الدهر يبعدنا ..ويقعدنا ..
حنين الوجد ما نصده ..
وهذا القلب شاهدنا .. تلظى وزاد عن حده..
ويوم زاد .. أنقلب ضده ..
وتقاضينا ..على الماضي ..
وأنت الخصم والقاضي ..
ولعلمك قلبي العاشق .. ما هو براضي ..
يرى في حكمك الجائر .. كلام فاضي ..
كلام فاضي .

أهذا آخر المشوار ..
يصير الحب جمر ونار ..
لظاها يحرق الذكرى .. ويحرق باقي الأسرار..
ونقاضى .. أنا وأنت ..
وأنت الخصم والقاضي .. كلام فاضي ..
كلام فاضي .

???

حياتي
حبيبتي .. حياتي..
أطوي القديم .. ورحبي بالآتي ..
أنا قادم .. نحو الحياة ..
أنا قادم .. فوق الشفاه ..وفوق آهاتي ..
أنادي بصوتي الشاحب .. أنادي بصوتي الواهي..

حياتي .. كل لذاتي .. أحبك صدق ..
أحبك شوق .. أحبك ذات من ذاتي ..
لأنك حبي الأول .. وأنت حبي الآتي ..
وأنت شوقي الأطول .. وعمري وكل لذاتي ..
وأنت .. عشقي وحياتي .
حياتي .

???

عروس
يا ديرة تنبض بالكرم ..
في الأرض .. ما بين السحاب ..
يا عروس في عالي القمم ..
يا نجمة في قلب العباب ..
يا جنة تقصدها الأمم ..
يا حصون ترقد في الضباب ..
أول كلام .. وآخر كلام .. سلام ..
يا أرض السلام ..
يا ديرة تنبض بالكرم .

يا نسمة الصيف .. في أجمل شفا ..
يا ضحكة الطيف . . يا كل الصفا..
كلك وفا .. كلك لوجداني دفا ..
في ساحلك .. وفوق في عالي الشعف ..
وفي أرض السعف .. غرام ..
يتناثر غرام .. وفي موطني تخفق علم ..
أول كلام .. وآخر كلام ..
تسطره ريشة قلم .. سلام ..
يا أرض السلام .. يا ديرة تنبض بالكرم .

يا متعة المصطاف .. يا عروس السراة ..
يا سحرك الخطاف .. في عيون من يراه ..
يا عشق متواصل .. يا حب في ذراه ..
لوحة وتتبسم .. غابة وشجر ..
وغيمه تترنم .. رش ومطر ..
جمال متكامل .. شمس وظلام ..
وأمن خيّم .. وأرتسم ..
أول كلام .. وآخر كلام ..
تسطره ريشة قلم .. سلام ..
يا أرض السلام .. يا ديرة تنبض بالكرم .

يا موطن الفن الحقيقي والخيال ..
يا عزنا .. يا فخرنا .. بعالي الجبال ..
يا منتهى الراحة ..
يا جنة يسقيها الحنان ..كل الزمان ..
يا وردة فوّاحة ..
و نجمة وضّاحة .. يا جنًة الباحة ..
ياحلم ما مثلك حلم ..
أول كلام .. وآخر كلام ..
تسطرة ريشة قلم .. سلام ..
يا أرض السلام .. يا ديرة تنبض بالكرم .
ياعروس السراة .

???

جدة
شفتك .. لأول مرة من عالي سماك ..
نجمة .. وزفوها عروس ..
متزينة بأحلى فنون ..
كلك فتون .. متميزة بلمعة سناك ..
ياعروس .. ما مثلك عروس ..

الله عطاك .. ياقتنة الشاطي وحباك ..
هذا بهاك .. زيّن سماك ..
وذا لماك .. من فوق يتبسم معاك ..
وهذه أنوارك شموس ..عروس ما مثلك عروس .
يا حلوة .. ياثغر الوطن ..
بقوة تتحدي الزمن ..
وتعطري بنورك رحاب .. وتنوري متن السحاب ..
وتضحكي بوجه الفضا .. بحب ورضا ..
يا موطن الأحباب .. ياعروس ما مثلك عروس .
أنت مدينة .. وفي الجمال ألوان ..
وأنت لنهضة موطني عنوان ..
وأنت بميدان الشعر ديوان ..
وشوارعك .. وشواطئك .. وطراز معمارك دروس ..
متعلقة فيك النفوس .. ياعروس ما مثلك عروس .

حاشا .. ما شافت عيني مثلك أرض ..
فتّانة .. طول وعرض ..
مدينة موطنها الثرى ..
ونجمة في عيون من يرى ..
ومهما أقول لأجلك شعر .. أنت السحر ..
وأنت بعيوني الأرض .. كل الأرض ..
يا سلوتي في الرخا .. وأمني في الشدة ..
يا حلوتي جدة .
???

لا تسأليني
لاتسأليني عن شعوري ولا الشوق ..
ولاتسألي عن منزلك والمكانِ..
لا تسأليني عنك .. وأنت معي فوق ..
وكل الزمن عندي .. تبدل ثواني ..

لاتسأليني .. أنا في قمة الشوق ..
معك أنا ناسي لذيذ المعاني ..
يامن سلبت القلب بالرقة والذوق ..
في طلعت تعبير حب وتفاني ..
لاتسأليني ..

العمر من دونك مزيف ومحروق ..
والقلب لو غبت جروحه تعاني ..
لاتسأليني .. وفي سنا وجهك شروق ..
وفي جدايل شعرك ..الليل داني ..
وفي عيونك سحر .. والجسم ممشوق ..
والروح .. روحي .. والأماني أمان ..
لاتسأليني ..

أنت تربعت على عرش مرموق ..
وأنت امتلكتي كل حبي وحناني ..
تستاهلي .. يامنتي كل معشوق ..
وتستاهلين القلب .. والعمر ثاني ..
لاتسأليني ..

لا تسأليني .

???

أرجع
يا مغير أطباعك على غير ما ارجيك ..
اليوم وينك .. والوفا اللي ادعيته ..

تصد عينك عني والقلب يفديك ..
وتهد بيدك بيت حب بنيته ..

وتقسى على قلب وروح تداريك ..
وتنسى وتتناسى حبيب هويته ..

قفلت في وجهي بقايا مراسيك ..
وسديت بالفرقى طريق مشيته ..

غريب .. ترفض كل يوم مناديك ..
وتبيع حالي الحب بعد اشتريته ..

غريب .. ما أظن الهوى في معانيك ..
ولا أظن ليل الشوق عمرك سريته..

أرجع ترى نفسي وعيني تراعيك ..
أرجع لحبي لا تقل لي نسيته..

أرجع لقلبي اللي يحبك ويغليك ..
أرجع وداوي اللي أنت بالصد كويته ..
أرجع ..

???

دمع .. وقصيدة
يا من يلوم العين على دمع مدرار ..
ترى عيوني دمعها ما تريده ..

سبب دموعي خل قاسي وغدار ..
أختار يسكن في الديار البعيدة ..

قطع حبال الوصل .. وحبال الأخبار ..
وصد عني .. وكل شي كان بيده ..

ملك شجوني .. وأمتلك كل الأسرار ..
وأصبح دمي .. اللي ما سكن في وريده ..

القلب يحمل له من الحب مقدار ..
وشريط شوق .. كل يوم يعيده ..

الناس في نوم .. وأنا ليلي سهّار ..
وأحلم وأنا صاحي بضمات جيده ..

أطوف في فكري وأدورلتذكار ..
وأبحث في بيتي عن بقايا بريده ..

وإن خانني حظي وما لقيت تذكار ..
أعود أنظم في حبيبي قصيدة ..

ماكل من شاف البحر صار بحّار ..
وما كل عين تعرف الحب سعيدة ..
دمع .. وقصيدة .

???